Que fermoso día!!!

Despois de moitos ensaios, de moito traballo e esforzo, chegou o gran día que
 todos os nenos e nenas estabades esperando:

O FESTIVAL PARA AS FAMILIAS

O mércores, 28 de maio, na Casa do Forno, actuamos para as nosas familias e amigos. Foi unha moi boa actuación, todo saiu moi ben, incluidas as sorpresas!!!

Presentaron os alumnos e alumnas de 6º curso, tocamos coas frautas doces e o piano, cantamos moitas cancións e rematamos facendo entrega dos diplomas de participación nesta actividade.

Nos  seguintes vídeos podemos ver as actuacións.

A profesora Marta quere felicitarvos e decirvos que foi un curso estupendo e que estou moi contenta pola actuación deste día; estivéchedes todos moi atentos e con moitas ganas. GRACIAS!!!

Actuación do coro do colexio

O mércores, 28 de maio, ás 19:30 horas, na CASA DO FORNO, vai actuar o coro do colexio como peche da actividade extraescolar na que moitos nenos e nenas, dende 3º a 6º curso, participaron durante este curso 2013-2014.

A este acto están invitados as familias e todos aqueles que desexen compartir uns momentos musicais...

Actuación en Viveiro

O venres, 16 de maio, o Coro do Colexio actuou na clausura da Exposición en Viveiro "De aqueles contos...a novos finais, xunto co coro do CEP Lois Tobío.

O seu programa consistiu en cancións basadas nos contos populares.

Noraboa polo ben que o fixeron!!!

Cancións dos Contos Populares

Dentro do proxecto da Biblioteca Escolar imos traballar os CONTOS CLÁSICOS, por iso nas clases de Música imos complementar esta actividade con Cancións que podemos ver nos vídeos que aparecen 

NESTE ENLACE.

Canción para o Proxecto Ríos

CANCIÓNS PARA O ENTROIDO

CLICA NA IMAXE E ATOPARÁS MOITAS CANCIÓNS PARA ESTE ENTROIDO

Canción para o Día da Paz

Os alumnos e alumnas de 6º curso cantan e bailan a canción elexida para conmemorar o "Día da Paz e Non Violencia": SIYAHAMBA.

Actuación na Igrexa de Celeiro

O domingo, 29 de decembro do 2013, fumos invitados a actuar no Día da Familia á Igrexa Parroquial de Celeiro.

Acto de Nadal 2013

Resumen da actuación do coro





Reportaxe fotográfica do Acto de Nadal na Casa do Forno celebrado o luns, 16 de decembro.

Concerto de Nadal na Parroquia de Galdo

O sábado, 14 de decembro, na Igrexa Parroquial de Galdo, tivo lugar o segundo Concerto de Nadal organizado polo coro Parraquial de Galdo do que é director Pedro Rodríguez Pérez, exalumno do noso colexio e pianista acompañante do noso coro.

Participaron os Coros do Conservatorio, de Ferreira e o anfitrión de Galdo.

Ao rematar cantamos conxuntamente dúas panxoliñas que podemos ver no seguinte vídeo.

O coro do colexio

O coro do colexio está a preparar as actuacións para este Nadal.

Santa Cecilia, patroa da MÚSICA

 Tumba de Santa Cecilia

Hoxe 22 de novembro é o día de Santa Cecilia, virxe e mártir, patroa da música.

Un pouco de Historia:

En 1736, Haendel (1685-1759) dedícalle a "Oda para o Día de Santa Cecilia" apenas catro anos antes de compoñer "O Mesías". Charles Gounod (1818-1893) compón unha "Messe Solennelle de Sainte Cécile". Benjamin Britten (1913-1976), nacido por certo o día de Santa Cecilia, componlle o "Himno ao Día de Santa Cecilia". O español Salvador Giner (1832-1911) dedícalle así mesmo un "Himno Pregaria a Santa Cecilia".

Curiosamente, o día de Santa Cecilia nace o gran compositor español Joaquín Rodrigo (1901-1999), por certo cego dende os tres anos, como dos cegos din algúns é tamén patroa Santa Cecilia, -en xeral tense por patroa dos cegos a Santa Lucía de Siracusa-, cuxo nome non significa de feito outra cousa que precisamente "cieguecita".

En honor a Santa Cecilia, un importante movemento de renovación da música sacra católica de finais do s. XIX recibe o nome de "cecilianismo".

Dito todo o cal, e como é doado comprender, en honor a Santa Cecilia é hoxe tamén o Día internacional dos músicos, que nos dan un motivo máis para gozar da vida e nos achegan o ceo á terra, razóns sobradas para de todo corazón, felicitar dende aquí a cantos dun xeito ou outra, dedican a súa vida ou parte dela á música.

Hoxe tamén poderemos disfrutar no Conservatorio de Música de Viveiro, dun concerto de Clarinete e Piano a cargo de Pedro Rodríguez Pérez (exalumno do noso colexio) e Eloísa Pérez Lage (profesora do Conservatorio).

No día dos Dereitos dos Nen@s

Na Bibliosoños estamos de celebración pois hoxe é 20 de novembro, Día dos Dereitos dos Nenos e Nenas.

Preparamos unhas actividades especiais para os alumnos e alumnas de Infantil e tamén para o 1º ciclo de Primaria, nas que repasamos os  Dereitos e tamén falamos dos nosos Deberes.

Aprendimos moito! e para rematar a sesión cantamos todos xuntos a Canción dos Dereitos.

 

NESTE ENLACE TEMOS MÁIS INFORMACIÓN

Drilo, o crocodilo

Esta é a canción que preparamos este curso para celebrar o Día da Biblioteca; como estamos a traballar O ANTIGO EXIPTO, esta foi a canción que máis nos gustou e a máis apropiada.

Aprendímola todos os cursos e cando chegou o día de pasar pola Bibliosoños, para as actividades que nos prepararon por ser un día especial, ao rematar as mesmas cantamos a canción: DRILO, O CROCODILO.

O coro do colexio

Este novo curso que comeza tamén imos a formar un coro entre os alumnos e alumnas de 3º, 4º, 5º e 6º curso.

No mes de outubro comezamos os ensaios para preparar as cancións que imos a tocar e cantar no  festival de Nadal.

Presentación do Coro de Cámara de Viveiro

O venres, 20 de setembro, na Igrexa das Concepcionistas, tivo lugar a presentación do novo Coro de Cámara de Viveiro formado por 12 voces mixtas e dirixidos por Javier Fajardo Pérez-Sindín.

Estiveron acompañados por numeroso público que aplaudiron as súas magníficas interpretacións e que animan ao grupo a seguir traballando para que se consoliden e formen parte do ámbito musical de Viveiro.

O seguinte vídeo foi gravado por José Antonio Abella Albo. Moitas gracias

Clausura dos Obradoiros de Teatro e Coro

O curso chega ao seu fin e tamén as actividades dos Obradoiros de Teatro e Coro impartidos polos profesores Vicente e Marta.

• O xoves, 13 de xuño, faremos a clausura dos mesmos facendo entrega dos diplomas de participación e algunha sorpresa máis.

Durante o curso ensaiaron moito e fixeron varias actuacións:

GRUPO DE TEATRO

• Polo NADAL representaron na Casa do Forno e no Colexio a obra "Os tres reis malos"
• Representarán o xoves, 20 de xuño, no colexio; e o domingo,23 de xuño, na Casa do Forno, unha obra que están estes días a ensaiar e preparando os decorados, vestuario e demáis preparativos.

AGRUPACIÓN CORAL

• Polo NADAL  cantaron na Casa do Forno e na Igrexa de Celeiro 
• Actuaron no Teatro Pastor Díaz de Viveiro 
• En Maio participaron no Festival da Festa do Maio e Letras Galegas do colexio e tamén actuaron no Conservatorio de Música de Viveiro e na Clausura da Exposición "Unha primavera de poemas".

GRUPO DE TEATRO     

   AGRUPACIÓN CORAL

Un concerto moi especial

O xoves, 6 de xuño, ás 20:30 horas, no Conservatorio de Música de Viveiro, teremos a oportunidade de ver e escoitar un concerto de Clarinete e Piano a cargo de Pedro Rodríguez Pérez (exalumno do noso colexio) e Eloísa Pérez Lage (profesora do Conservatorio).

Actuación no Conservatorio

O xoves, 16 de maio, actuamos no Conservatorio de Música de Viveiro.

No seguinte vídeo podemos ver e escoitar un resumo da actuación

Actuación no Conservatorio de Música de Viveiro

COMUNICADO PARA AS FAMILIAS DOS ALUMNOS E ALUMNAS DO CORO

CEIP ANTONIO PEDROSA LATAS

CELEIRO-VIVEIRO

O Coro do colexio foi invitado a actuar no Conservatorio de Música de Viveiro o xoves, 16 de maio de 2013, ás 17:30 horas.

Para ese día os nenos e nenas deberán levar a roupa propia do coro e as frautas doces.

Terán que estar diante da porta do Conservatorio, polo lado do xardín, ás 16:30 horas, para facer un pequeno ensaio de toma de contacto e colocación no escenario.

A actuación é pública polo que poden asistir todos os que o desexen.

Se algún neno ou nena necesita que o leven ata o Conservatorio deben avisar á profesora Marta.

                                           

Canción "Amar o mar"

Dentro do proxecto integrado  de dinamizacións "O MAR" fixemos unha canción especial:

"Amar o mar"

A letra é de Vicente Míguez (profesor do centro) e a música de Pedro Rodríguez (exalumno do centro). Está cantada por Marta Pérez (profesora do centro) e por Pedro Rodríguez.

Vídeo da actuación no Teatro Pastor Díaz

O sábado, 9 de marzo, o Coro do Colexio foi invitado a participar nun Festival Benéfico organizado por ABAY: tamén actuaron o acordeonista Iván Armada e o Coro do CEP Lois Tobío.
Neste ENLACE podemos ler o resumo do festival.

Este é o vídeo da nosa actuación

Festival benéfico

O coro do Colexio foi invitado para actuar o vindeiro sábado, 9 de marzo, no Teatro Pastor Díaz de Viveiro nun festival solidario organizado por ABAY  (Asociación de pais/nais adoptantes para o desenrolo de Etiopía )

Programa:

• 17:00 h  xuntámonos no Teatro
• 17:30 h_comezo do festival:

            -     Proxección de imaxes de Etiopía 

-        Coro do Colexio de Celeiro

-        Actuación de Iván Armada (acordeonista)

-        Coro do Colexio Lois Tobío

Sorteo de premios  (lotes de libros, figura do Regal,  dúas 

ceas nas Tixolas, xoguetes, etc )  entre os asistentes

(ata que aparezan os gañadores)

• 19:00 h remate do festival .

Día de Rosalía de Castro

O vindeiro 24 de febreiro, será o DÍA DE ROSALÍA DE CASTRO. Este ano 2013 é o 150 aniversario da publicación do seu libro "Cantares Gallegos" (1863-2013), por iso na Bibliosoños musicamos o poema "Has de cantar" para que o poidamos cantar todos xuntos.

 

Tamén podemos atopar moita información na páxina especial que lle adicamos a 

Rosalía de Castro

Un vídeo moi especial

Na actuación de maio de 2011 no conservatorio cantamos "Vois sur ton chemin" da película Los Chicos del Coro, tivemos a ocasión de que nos acompañaran estudiantes do Conservatorio:

• Compoñentes do Coro
• Ao piano, Pedro Rodríguez.

 

Poidemos editar  este vídeo gracias á gravación da nai de Adrián Basanta.

Cancións para o Día da Paz

Recordando outros tempos

Na seguinte presentación podemos ver unhas fotografías e un programa da Agrupación Musical do colexio formada por alumnos e alumnos dos cursos comprendidos entre os anos 1981 a 1984. O director da mesma era o profesor Manuel Rajal Fernández.

As fotografías foron donadas por Ángela López, alumna do colexio nesa época e compoñente da Agrupación Musical.

Actuación do coro na Igrexa de Celeiro

O domingo, 30 de decembro de 2012, a Agrupación Instrumental e Coral do Colexio foi invitada para facer unha pequena actuación na Igrexa de Celeiro. 

Festival de Nadal 2012

No blog do Nadal podemos ver máis actuacións:

Festival de Nadal na Casa do Forno

No colexio estamos a preparar un Festival de Nadal para actuar na CASA DO FORNO. Nas seguintes presentacións podemos ver o cartel e máis o programa de man.

Panxoliñas para o Nadal

Concerto de Santa Cecilia

Neste concerto tivemos a oportunidade de ver e escoitar ao Dúo de Clarinete e Piano formado por Pedro Rodríguez Pérez e Eloísa Pérez Lage.

Eloísa é profesora do Conservatorio e Pedro é alumno do último curso do Grao Profesional, son nai e fillo e ademáis todos recordamos a Pedro porque foi alumno do noso colexio e o acompañante habitual do Coro.

Foi un concerto excepcional onde ademáis houbo unha segunda parte coa actuación de dúas sopranos e un tenor    (o profesor de canto Vicente Casas) acompañados polo pianista Plácido Travieso. 

22 de novembro, Santa Cecilia

Cecilia de Roma, coñecida como santa Cecilia (en latín sancta Caecilia), foi unha nobre romana, convertida ao cristianismo, que -segundo a tradición- foi martirizada pola súa fe entre o ano 180 e 230.

A Igrexa católica e a Ortodoxa conmemoran a súa morte o 22 de novembro.
Na Igrexa católica é patroa da música, dos poetas, dos cegos (como santa Lucía de Siracusa) e das cidades de Albi (Francia) , Omaha (estado de Nebraska, EE. UU.) e Mar da Prata (Arxentina).
Os seus atributos son o órgano, o laúde e as rosas.
En honra a ela, un importante movemento de renovación da música sacra católica de finais do século XIX recibiu o nome de cecilianismo.

Nestas datas en todos os pobos, vilas e cidades, celébranse concertos onde as bandas Municipais, Corais Polifónicas e outras agrupacións musicais, adquiren gran relevancia.

Se temos oportunidade temos que acudir a estes concertos.

Benvid@s ao curso 2012-2013

Un novo curso da comezo e vimos cheos de ilusión e con moitas ganas de aprender!

Na aula de música xa nos esperan os instrumentos, os bailes e as novas cancións que imos aprender. Tamén temos unha novidade: UN NOVO ESCENARIO andivemos a preparar.

O proxecto integrado deste curso vai ser sobre O MAR, por iso moitas das cancións que imos aprender serán sobre os peixes, os barcos e o mar. 

No lateral dereito temos o enlace onde atoparemos a música e as letras das cancións.

Embarcamos todos xuntos e navegaremos polos mares da música.

FELIZ CURSO!!!

Concerto de Piano e Clarinete

O xoves, 31 de maio, ás 20:30 horas, no Conservatorio Profesional de Música de Viveiro, haberá un Concerto de Piano e Clarinete moi especial e que debemos procurar ir  velo e escoitalo.

• Pianista: Eloísa Pérez Lage
• Clarinetista: Pedro A. Rodríguez Pérez

Pedro foi alumno do colexio e tamén é o pianista acompañante do Coro do Colexio.

Vois sur ton chemin

Que ben cantan os alumn@s de 4º, 5º e 6º curso!

Vídeo especial do colexio

3º ciclo: traballos sobre os Beatles

Xa están rematados os murais sobre os BEATLES.
Os alumnos de 5º e 6º curso traballaron durante o 2º trimestre partituras de cancións deste grupo tan importante da música moderna.
Buscaron información nesta páxina e por último fixeron estes traballos.

CHEGOU A PRIMAVERA

Cancións para a Paz

CANCIÓN: LOS NIÑOS QUEREMOS LA PAZ

Para cantar todos xuntos...

Xa preparamos as Panxoliñas para o Nadal!

Santa Cecilia

Cecilia de Roma, coñecida como santa Cecilia (en latín sancta Caecilia), foi unha nobre romana, convertida ao cristianismo, que -segundo a tradición- foi martirizada pola súa fe entre o ano 180 e 230.

A Igrexa católica e a Ortodoxa conmemoran a súa morte o 22 de novembro.

Na Igrexa católica é patroa da música, dos poetas, dos cegos (como santa Lucía de Siracusa) e das cidades de Albi (Francia) , Omaha (estado de Nebraska, EE. UU.) e Mar da Prata (Arxentina).

Os seus atributos son o órgano, o laúde e as rosas.

En honra a ela, un importante movemento de renovación da música sacra católica de finais do século XIX recibiu o nome de cecilianismo.

Nestas datas en todos os pobos, vilas e cidades, celébranse concertos onde as bandas Municipais, Corais Polifónicas e outras agrupacións musicais, adquiren gran relevancia.

Se temos oportunidade temos que acudir a estes concertos.

Canción Libros na Bibliosoños

Festa dos Maios no colexio

O Coro do Colexio participou na Festa dos Maios que celebramos o mércores 18 de maio.
Cantou tres cancións:

Actuacion no Conservatorio

O xoves, 12 de maio, actuamos no Conservatorio, tivemos moito público que nos aplaudiu moito e nos deron moito ánimo. Quedaron encantados coa nosa actuación e nós tamén porque cantamos e tocamos moi a gusto.
Tamén fumos noticia na Voz de Galicia.

Actuación do Coro

No mes de maio o Coro do Colexio  vai facer dúas actuacións:

• O xoves, 12 de maio, ás 18:30 no Conservatorio de Música de Viveiro
• O mércores, 18 de maio, no propio Centro, con motivo da celebración da Festa do Maio.

Vois sur ton chemin. (Los chicos del coro)

Tema da película "El rey león"

Can you feel the love tonight - Elton John

Celebramos o Día da Paz

 

Panxoliñas e Outros Cantos de Nadal

Outro ano máis e xa van 13, os coros dos colexios Lois Tobío de Viveiro e o Pedrosa Latas de Celeiro, cantamos para festexar o Nadal o luns, 20 de decembro, na Igrexa de San Francisco.

Acto de Nadal na Casa do Forno

E agora xa toca a entrega de premios e a actuación do coro.

Entrevista a Pedro Rodríguez

Pedro é un rapaz de 17 anos que fai os seus estudios musicais no conservatorio de Música de Viveiro. Está a cursar o 5º curso do grao profesional nas especialidades de piano e clarinete.

Á idade de 10 anos comenza a formar parte do coro do colexio    sendo o seu pianista dende entón.

Este ano compuxo un vilancico que leva por título "Celebrando o Nadal", imos cantalo por 1ª vez no Acto de Nadal do venres, 17 de decembro.

• Pedro, cal foi o motivo polo que compuxeches esta canción?
• Dende sempre tiven gusto por improvisar melodías e facer acompañamentos propios e este ano cando Marta me comentou o programa que tiña preparado cos nenos para este Nadal, comenteille que por que non faciamos algo diferente e movido, toqueille un estribillo que lle encantou e ao día seguinte xa o estabamos transcribindo a unha partitura.
• Por que segues a formar parte do coro?
• A verdade é que me sinto moi a gusto, xa son moitos recordos e cada ano intento facer cousas diferentes porque sei que aos nenos lles gusta. Este ano en algunha canción introducimos  ritmo de batería e iso lles encanta.
• Gústache tocar en público?
• Claro que sí, aos músicos gústanos que se nos escoite, neste Nadal teño que actuar en varios concertos do Conservatorio e tamén acompañarei ao Coro do Colexio de Celeiro nas súas actuacións e espero que  sigan contando conmigo.

Actuacións do coro.

Para este Nadal o coro do colexio ten previsto actuar nos seguintes actos:

• ACTO DE NADAL: venres, 17 de decembro, ás 20:30 horas, na "Casa do Forno" de Celeiro. Organizado pola ANPA do colexio..
• CERTAME DE PANXOLIÑAS E OUTROS CANTOS DE NADAL: luns, 20 de decembro, ás 20:30 horas, na Igrexa de San Francisco en Viveiro